NOUVÈL SOU ZAFÈ KOUTYE

Kèk keksyon ou ta dwe gen repons pou yo de moun kap van ou byen!

Li toujou bon pou ou konen sak fè yon moun ap van byen ke li genyen. Paske sa ka baw yon ide de ki kalite pwopwiyete ou pral achte a. Eske pwopwiyete a se pou li sèlman li ye? Eske li marye? Eske gen eretye ki ta dwe siyen sou sou papye a poul ka van li?

Legalite pwopwiyete enpotan pou konen sous li

Bagay ki trè enpòtan se konen eske pwopwiyete a gen papye legal. San papye pwopwiyete livre a limenm, nenpot ki moun ka vin di se pou lil ye. Itswa ki ka menen tribinal pou dèzane, ki kon fè moun pèdi byen yo etc...

Pwopwiyete ki gen diskisyon sou yo ka koze anpil ale mennen vini devan leta. 

Lèw ap achte byen nan men moun, fè rechèch ou pou konen si byen an gen plis ke yon mèt. Si gen divizyon nan fanmiy kap van byen an. Kyès ki gen dwa pou van li. Eske se pa byen dechoukay? Sinon ou ka finn achte byen an epi 3 mwa pa pase ou tande byen pa pou ou, paske moun ki van li pat gen tout dwa legal poul van li. 

Sa ou dwe konen sou Notè ki ap jere dosye papye pwopwiyete a

Yon lot bagay ki trè enpòtan anko se notè ki sou dosye papye ou yo. Keksyon pou chache konen e pozel se si li legal devan la lwa nan komin kote ou ap achte byen an? konbyen tan li genyen depi lap travay kom Notè? ki repitasyon li genyen nan zòn lan? Eske non li kon enplike nan bagay louch?

Eske gen dèt enpo lokatif sou li? i.e eske mèt li dwe tax a leta?

Yo lot bagay enpotan anko se konen si gen rès kòb ke ansyen pwopwiyetè dwe ke ou menm ou ka oblije vin peyel pou li. 

1.  Chwazi yon apatman kote ou ka jwen silans pou ka konsantre sou etid ou.

2. Si ou kapab abite pi pre lekol ou, travay pi pre lekol ou tap fasilite tan'w.

3. Chwazi konpay de chanm ki serye sou etid yo menm jan avè'w.

4. Si posib toujou viv ak fanmiy ou jiskaske ou ka kanpe sou depyew.

5. Fè yon bidjè ki pèmèt ou viv selon mwayen ekonomik ou.

Inogirasyon nouvo ayewopò Cap Haitien an. Kisa sa vle di pou zòn sa a? 

Depi gen ayewopò yon kote li pote travay, li pote touris, li pote chanjman pozitif. Moun ap komanse vin fè biznis, ki vle di otèl pral bati, restoran, apatman etc... Travay pou bos mason, engenyè, sèvè, resepsyon etc... wout ap konstwi nan zòn sa pou ki ogmante ekonomi zòn sa a. 

Ki dwa leta ba ou kòm yon lokatè ke mèt kay la dwe respekte?